لتصبح مدرارسنا أجمل

يا جماعة الكل أكيد بحب تكون مدرستنا أحسن من هيك لحتا ع القليلة فينا ندرس فيهارح قول كم اقتراح: احم احم
1-فتح مكتبة بلمدرسة متل العالم والخلق ويحطو فيها هلمراجع اللي صرعونا فيا بلكتب وتكون كبيرة نسبيا وفيها كمبيوترات مجهزة بلانترنت لحتا نبحث ع(الشابكة) متل مابسموها.
2-غرفة اللمعلوماتية بس يرتبوها شوي ويجيبو كمبيوترات جديدة .
3-الباحة:أنابرأيي لازم يشيلو عوارض السلة ويركبو سلة وحدة علحيط لانو اخدة كتير مساحة وأصلا مو كتير بيستخدموها ،ويصلحو الأرض ويعملوها مستوية هيج كل سنة بتتشكل بركة وبينقفل الباب وبتتوسخ الدني .
3-لازم كمان يكون في غرفة للرسم و غرفة للموسيقا لأنو لاحظت أنو هلمادتين كتير هاملينون مع أنو هني كتير مهمين ماالانسان القديم ما كنا عرفنا شي عنو لو ما رسم بلكهوف.
4-وأخيرا وليس اخرا برأيكون مو لازم يعتنو بلتمثيل والمسرح شوي لأنو في كتير مواهب عم تنهمل وهي مهمة ولازم يعتنو فيها أكتر .
هاد مو كل شي بس هاد أهم شي واذا عندكون اسا اقتراحات نورونا وشكرا للقرائة

فاطمة معاكي حق بكل شي حكيتيه إنتي حكيتي عن شكل المدرسة الخارجي لهيك رح إحكي شوي عن المدرسة من جوا ما حا إذكر اسم أي إستاذ أو انسة(منشان التجريح) بسس بشكل عام عنجد تعبنا والله حاسين حالنا متل فأر التجارب أنا من جهتي حاسة حالي ماشية نحو المجهول حتى البكلوريا يلي هيي حالة طبيعية بيمروا فيها كل الناس وتعودوا عنمط معين من الأسئلة حنكون نحنا أول دفعة بيتجرب فينا النموذج الجديد مو كتير نبعد مثلا هلأ وبالعاشر الطلاب عاختلاف مستوياتها عم تعاني ما حا قول ما فينا غلط نحنا مبلى فينا مثلا نظام المجموعات يلي صرعونا فيه أنا من جهتي ما شفتو جاب أيا نتيجة بيجوز ييتجاوبلو شي طالب طالبين تلاتة مع الأستاذ والبقايا عم يتسلو بس فيه حق كمان عالمدرسة بحد ذاتها شو يعني مثلا مادة الفيزياء نقضيها تخيلات بدون أي تجربة ( تخيلو إذا عملنا هيك حيصير هيك وإذا عملنا هيك رح تستنتجوا هيك)طيب تجاوزنا كل هاد الأساتذة والله عم يبذلو مجهود بس هنون متلنا أول مرة بياخدو المنهاج يعني عم يتعلمو فينا ويعلمونا بنفس الوقت بيجوز مناهجنا حلوة وبتواكب تطور العصر لأنو أكيد مو لا زم نضل علي درسوه أهالينا الزمن تغير بس تطبيق المناهج أبدا ما عم يراعي هالتغير والتطور يعني متل ما قالو بعنوان مقالة (مناهج جديدلعقول قديمة) وبالنهايةأنا ما قصدي غير الانتقاد البناء لنوصل لمرحلة نوازي فيها الدول المتقدمة وشكرا لمروركن

قالوا سلمية ..............طلعت سلفية
قالوا حرية ................طلعت حربية
قالوا مطالب ................طلعت مخالب
قالوا إصلاح ...............طلعوا بالسلاح
قالوا تعمير ..................طلعت تدمير
.........قالوا تظاهر ..................طلعت تآمر
قالوا حقوق ................طلعت عقوق
قالوا تطوير .................طلعت تكسير
فبأي لغة يريدون أن نخاطبهم وبأي قواميس نفهمهم

اللغة يلي بيفهموها هيي الصهيونية ، أما بالنسبة للقاموس فهوي أمريكي بامتياز.

ايمتين الجلاءات